ବିଧବା ଯୁବତୀ

ମନର ଗତି କାହିଁକି ଏମିତି ?

କେଜାଣି

ଆନନ୍ଦରେ ବିହ୍ୱଳିତ ପକ୍ଷୀ ପରି

ଡେଣା ମେଲାଇ ଚାହେଁ

ନିରୋଳା ଆକାଶରେ

ଅବାଧରେ ନିଜର ଛଟାରୂପର ବିସ୍ତାର କରିବାକୁ |

ଯେବେ ସାଥୀ ହିଁ ନାହିଁ

ଅଲୋଡା ସ୍ୱପ୍ନସବୁ କାହାକୁ ଦେଖାଇବ ?

କାହା ସାଥିରେ କ୍ଷଣ ବିତେଇବ?

ମନ ଚାହେଁ ଏକ ନୂତନତା

ନବ ଆକାଂକ୍ଷା |

ପୁରୁଣା ସ୍ମୃତିରେ ଲୀନ ହେବାକୁ ଚାହେଁନା

ଜୀବନ ଦର୍ପଣରେ ଖୋଜେ

ଆତ୍ମଶାନ୍ତି, ତୃପ୍ତି |

ସମାଜର ରାକ୍ଷସ-ସୀମାରେ ଆବଦ୍ଧ

ଶ୍ୱାସରୁଦ୍ଧ ହୁଏ ଏହି ପରିବେଶରେ

ଆଗାମୀ ସମୟ ତ ତାକୁ

ଏମିତି ଉପେକ୍ଷା କରିବ ନାହିଁ?

ଅନ୍ଧର ଡୋରିରେ ଘେରିହୋଇ

ବାଟପାଏ ନାହିଁ ମୁକୁଳିବାକୁ |

ଅନ୍ତରର ବେଦନା ବା କିପରି

ରେଖାଙ୍କିତ କରିବ କାହାପାଖରେ?

କେବଳ ପ୍ରତିଧ୍ୱନିତ ହୁଏ ସ୍ଵହୃହୟରେ

ତଥାପି ଆଶାର ଆଶ୍ୱାସନା ଅଛି !

କେବେ ନା କେବେ ତ

ପାଇବ ସେ ତୃପ୍ତି |

ସମୟର ଅଟ୍ଟହାସ୍ୟରେ

ଜର୍ଜରିତ, ମୃତପ୍ରାୟ |

କେବେ ସେ ପାଇବ

ନିଜ ସ୍ୱପ୍ନର ସ୍ୱର୍ଗ?

କେଉଁ ଏକ ଦୂରକୋଣରେ ମଧ୍ୟ ଅଛି

ତା ପାଇଁ ଆପଣେଇବାକୁ ଜଣେ କିଏ

ନିଜକୁ ତା’ ସହିତ ମିଳେଇବାକୁ |

-          ୨୦-୦୭-୨୦୦୧ (ପୁରୁଣା କବିତାରୁ ଉଦ୍ଧୃତ)